Megamenu with HTML5 y CSS3

درێژه‌ى هه‌واڵ :

نەورۆز مەولود پەیامێكی پیرۆزبایی ئاڕاستەی خانەوادەی سەربەرزی شەهیدان و پێشمەرگە قارەمانەكان و خەڵكی کوردستان كردووە 

به‌روار: 2017-03-20 15:51:22


بەبۆنەی هاتنەوەی جەژنی نەتەوەیی نەورۆز.. نەورۆز مەولود وەزیری شارەوانی گەشت و گوزار پەیامێكی پیرۆزبایی ئاڕاستەی خانەوادەی سەربەرزی شەهیدان و پێشمەرگە قارەمانەكان و خەڵكی کوردستان كردووە كە ئەمە دەقەكەیەتی: بەناوی خوای گەورە و میھرەبان سەرفرازین بەناوی خۆم و گشت فەرمانبەرانی وەزارەتی شارەوانی و گەشت و گوزار جوانترین و گەرمترین پیرۆزبایی جەژنی نەورۆز لە تەواوی خەڵکی کوردستان و خانەوادەی سەربەزی شەھێدان و پێشمەرگە قارەمانەکانی کوردستان بکەم. نەورۆزی ئازادی و سەرفرازی و سەربەخۆییتان پیرۆز بێت،ساڵی تازەی كوردی و كوردستانیتان پیرۆزبێت. وەک ئاشکرایە هەموو دونیا باس لە قارەمانیەتی پێشمەرگەكانی كوردستان و بوێری گەلی كوردستان دەكات كە چۆن دلێرانە ڕووبەڕووی ترسناكترین دیاردەی تیرۆریستی و دڕندەترین مرۆڤی دژ بە بەشەریەت بۆتەوە كە ڕێكخراوی داعشە بۆیە ئەرکی سەرشانمانە لە خزمەتی ھاوڵاتیان و پێشمەرگە قارەمانەکانی کوردستان دابین. لێرەوە داوا لە ھەموو خەڵکی کوردستان دەکەم لە رۆژانی نەورۆزدا شوێنە گەشتیارییەکان بە پاک خاوێنی بەپارێزن و ژینگە دۆست بن، چونکە ئەمە ئەرکێکی نیشتمانییە و بە ھاوکاری ئێوە کوردستان بە خاوێنی رادەگرین و پەیامێک ئاراستەی ھەموو جیھان دەکەین، کە شەر نابێتە رێگر لە بەردەم جوانکردن و پێشخستنی وڵاتەکەمان. هیوادارین هەموو كاتێكتان هەر جەژن و خۆشی و شادی بێت. بژی كورد.....بژی كوردستان نەورۆز مەولود وەزیری شارەوانی و گەشت و گوزار


Untitled Document

هه‌ڵبژارده‌ :






به‌دواداچوونى نووسراوه‌كان

ژماره‌ی هاتووی    نووسراو(وه‌زاره‌ت)

ساڵی نووسراو    

كه‌ش و هه‌وا

  
Untitled Document
© 2013 Ministry of Municipalities and Tourism, KRG