Megamenu with HTML5 y CSS3

درێژه‌ى هه‌واڵ :

نەورۆز مەولود وەزیری شارەوانی و گەشت و گوزار پاركی هەولێری بەرووی هاوڵاتیان كردەوە. 

به‌روار: 2016-10-05 13:13:50


نەورۆز مەولود وەزیری شارەوانی و گەشت و گوزار پاركی هەولێری بەرووی هاوڵاتیان كردەوە. رۆژی دووشەممە 3ی تشرینی یەكەمی 2016 لە گەرەكی كوێستان لە شاری هەولێر پاركێكی گەورە بەرووی هاوڵاتیان كرایەوە، لەم مەراسیمەدا هەریەكە لە نەورۆز مەولود وەزیری شارەوانی و گەشت و گوزار و نەوزدا پارێزگاری هەولێر و تاهیر عەبدوڵڵا جێگری پارێزگا و بەرێوبەری ئەندازە و پاركەكانی هەولێر و بەرێوەبەری دەستەی گەشتوگوزاری كوردستان ئامادەبوون. نەورۆز مەولود وەزیری شارەوانی و گەشت و گوزار لە لێدوانێكیدا خۆشحاڵی خۆی بەكردنەوەی ئەم پارەكە دەربری گوتی: ئەمرۆ توانیمان بەشی یەكەمی پاركی هەولێر بەرووی هاوڵاتیان بكەینەوە، كە ئەم پاركە لە سێ بەش پێكهاتووە و بەشەكانی تریش لە بواری جێبەجێكردن دایە كۆی گشتی خەرجی پرۆژەكە (14)ملیۆن دۆلارە، جێگەی خۆیەتی دەستخۆشی لە كۆمپانیای جێبەجێكار بكرێت، كە لەم قەیرانەدا لە كارەكانی بەردەوام بوو. پاركی هەولێر بە رووبەری زیاتر لە 52 دۆنم دروستكراوە و رووبەری سەوزایی لە (81.000)مەتر دوجا پێكهاتووە و بەشەكانی تری ئەم پارەكە پێكهاتووە لە: 1- دروستكردنی دەریاچەی دەستكرد بە رووبەری (4000)مەتر دووجا، كە لە دوو نافۆررە و شەلال لەخۆ دەگرێت. 2- دروستكردنی چێشتخانەیەك بە رووبەری (800)مەتر دووجا، كە دەكەوێتە ناوەندی دەریاچە و هەموو پێداویستیەكانی تێدایە. 3- ئەم پاركە دوو دەرگای سەرەكی بۆ هاتنەژوورەوە و چوونە دەرەوەی هاولاتیان لە خۆ دەگرێت و هەروەها دوو پاركی گەورەی ئۆتۆمبیل تێدا دروستكراوە. 4- دروستكردنی پێنج یاریگەی وەرزشی، كە پێكهاتووە لە (2) یاریگەی تۆپی باسكە و (1) یاریگەی تۆپی بالە و (2) یاریگەی تێنسی سەر زەوی ئەم یاریگایانە هەموو پێداویستیەكانی دابینكراوە لە شوێنی دانیشتنی هاندەران و ژووری خۆگۆرین و شوێنی كارگێری و ناوچەیەكی گەورە بۆ یاری سكێت بە رووبەری (1620)مەتر دووجا دابینكراوە، بۆ یەكەم جارە ئەم جۆرە یارییە لە عێراق و كوردستان دروست دەكرێت. 5- دروستكردنی دوو شوێنی تایبەت بە راكردن بە درێژی (1600)مەتر دوو جا. 6- دروستكردنی دوو نافورە، هەر نافووریەك رووبەری (1559مەتر دووجایە و دەكەوێتە سەر شەقامی 100مەتری. 7- دروستكردنی شوێنی تایبەت بە یاریكردنی منداڵان و هەروەها یاریگایەكی تایبەت بە یاری شەترەنج. 8- دروستكردنی دیواریكی تایبەت بۆ سەركەوتن بە بەرزی 10مەتر. 9- دروستكردنی پێنج كۆشك بۆ فرۆشتنی پێداویستیەكانی هاوڵاتیان. 10- دروستكردنی مزگەوت و جێگەی تایبەت بۆ دەستنوێژ شووشتن. 11- دروستكردنی گۆرەپانێكی گەورە لەگەڵ كاتژمێرێكی گەورە بە بەرزی (9)مەتر.


Untitled Document

هه‌ڵبژارده‌ :






به‌دواداچوونى نووسراوه‌كان

ژماره‌ی هاتووی    نووسراو(وه‌زاره‌ت)

ساڵی نووسراو    

كه‌ش و هه‌وا

  
Untitled Document
© 2013 Ministry of Municipalities and Tourism, KRG