Megamenu with HTML5 y CSS3

درێژه‌ى هه‌واڵ :

رۆژی دووشەممە 3ی تشرینی یەكەم 2016 نەورۆز مەولود وەزیری شارەوانی و گەشت و گوزار سەردانی شاری كۆیە كرد. 

به‌روار: 2016-10-04 18:46:34


رۆژی دووشەممە 3ی تشرینی یەكەم 2016 نەورۆز مەولود وەزیری شارەوانی و گەشت و گوزار سەردانی شاری كۆیە كرد. لە قائیمەقامەیەتی كۆیە لە لایەن سەركەوت رەسول قائیمەقامی كۆیە و بەرپرسانی یەكەی ئیداری شارەكە پێشوازی لێكرا، نەورۆز مەولود خۆشحاڵی خۆی بەسەردانیكردنی شاری كۆیە دەربری و تەئكیدی لەوە كردووە، كە بەهەموو شێوەیەك هەوڵ دەدات خزمەتی ئەم شارە بكات و پشتگیری تەواو لە قائیمەقامی شارەكە دەكات، دواتر سەركەوت رسول بەخێرهاتنی جەنابی وەزیری كرد و ئەم سەردانی بە گرنگ وەسف كرد و پاشان لەگەڵ بەرپرسانی یەكەی ئیداری شارەكە چەندین گیروگرفتی شارەكەیان خەستە بەردەم نەورۆز مەولود وەزیری شارەوانی و گەشت و گوزار، كە جەنابیان بەڵێنی دا بە زووترین كات كێشەكان چارەسەر بكات. پاشان وەزیری شارەوانی و گەشت و گوزار بەیاوەری مەولەوی جەبار سەرۆكی دەستەی گەشت و گوزاری هەرێم و بەرێوەبەری گشتی شوێنەوار و قائیمەقامی كۆیە دوو خانووی كەلەپوری (كەمالی حاجی عەبدولمەجید) و (مەلا عەبدولمەجید) بەرووی گەشتیاران كردووە، كە ئەم دوو خانووە بۆ هەردوو كەسایەتی دیاری شاری كۆیە (مەلا عەبدولمەجید) و كورەكەی (كەمال حاجی عەبدولمەجید) دەگرێتەوە و بارزگان بوو و لە ساڵانی (1870-1880) زانینی دروستكراوە. خانووی كەمالی عەبدولمەجید رووبەرەكەی 460مەتر دووجایە و لە دوو نهۆم پێكهاتووە، لە نهۆمی یەكەم 7 ژووری هەیە و لە نهۆمی دووەم 6 ژووری هەیە. وخانووی مەلا عەبدولمەجید رووبەرەكەی (260)مەتر دووجایە لە دوو نهۆم پێكهاتووە و هەشت ژووری هەیە. جێگەی باسە ئەم دوو خانووە زیاتر لە 130 ساڵ تەمەنیەتی. نەورۆز مەولود بە گرنگەوە باسی لە نۆژنكردنەوەی ئەم دوو خانووە كەلەپورە كرد، كە مێژوویەكی زۆری هەیە و دەكرێت سوودی لێ وەربگرێت بۆ ئەوەی گەشتیاران و هاوڵاتیانی شارەكە سەردانی بكەن. جێگەی باسە ئێستا لە شاری كۆیە لە كۆی 4 خانووی كەلەپوری سێ خانوو نۆژنكرایتەوە. پاشان نەورۆز مەولود و شاندی یاوەری سەردانی قەڵای قشلەی كۆیە-ی كرد، كە شوێنێكی گەشتیاری دلرەفێنە. لەم سەردانێدا وەزیری شارەوانی و گەشت و گوزار سەرسامی خۆی بە كەلتوری شوێنەكە دەربری و تەئكیدی لەوە كردووە، كە دەكرێت سوودێكی زۆر لەم شوێنە وەربگرێت بۆ مەبەستی گەشتیاری لە داهاتوودا لە هەمان كاتدا سوپاسی خۆی ئاراستەی بەرپرسان و كارمەندانی شوێنەكە كرد، چونكە توانیان بەجوانترین شێوە پارێزگاری لەم قشلەیە بكەن و بایەخێ پێبدەن.


Untitled Document

هه‌ڵبژارده‌ :






به‌دواداچوونى نووسراوه‌كان

ژماره‌ی هاتووی    نووسراو(وه‌زاره‌ت)

ساڵی نووسراو    

كه‌ش و هه‌وا

  
Untitled Document
© 2013 Ministry of Municipalities and Tourism, KRG