Megamenu with HTML5 y CSS3
Untitled Document

دوایین هەواڵەکان :

وەزیری شارەوانی و گەشت و گوزار سەردانی قەزای کۆیە-ی کرد


2017-04-03 16:56:02

ئەمرۆ شەممە نەورۆز مەولود وەزیری شارەوانی و گەشت و گوزار بە یاوەری شاندێکی نێو وەزارەت سەردانی قەزای کۆیە-ی کرد و لە لایەن سەرکەوت رسول قائیمەقامی کۆیە و گۆران ئازاد ئەندام پەرلەمانی کوردستان پێشوازی لێکرا. لەم سەردانەدا وەزیری شارەوانی و گەش و گوزار چەند شوێنێکی قەزای کۆیە-ی بەسەرکردووە دواتر کۆبوونەوەیەکی فراوانی لەگەڵ بەرێوەبەرانی یەکە خزمەتگوزاری قەزای کۆیە ئەنجامدا بۆ گوێبیستبوون لە کێشە و گرفتەکانیان و چۆنیەتی چارەسەرکردنی و ئەنجامدانی کار ئاسانی بۆ خەڵکی قەزای کۆیە. دوای کۆبوونەوەیەکی دوو کاتژمێری نەورۆز مەولود بەڵێنی چارەسەرکردنی کێشەکانی دا و چەندین راسپاردەی بەپەلەی دا تاوەکو بەباشترین شيوه خزمەتگوزارییەکان بگاتە ھاوڵاتی. لە ھەمان کاتدا بەرێزیان تەئکیدی لەوە کردووە، کە دەبێت قەزای کۆیە لە رووی گەشتیاری سودمەند بێت و ببێتە شوێنێکی گەشتیاری تاوەکو داھاتێکی باش بۆ خودی خەڵکی کۆیە بگرێتەوە.

هەڵمەتی خاوێنکردنەوەی شاری هەولێر لەژێر چاودێری خاتوو نەورۆز وەزیری شارەوانی و گەشت و گوزار


2017-04-02 16:06:01

لە درێژەی ھەڵمەتی خاوێنکردنەوەی پایتەختی ھەرێمی کوردستان، لە بازار گشت حاوییەکان گۆرانکاری بەسەر داھات و ھەروەھا ژماریان زیادکرا بەمەبەستی پاک راگرتنی بازار. نەورۆز مەولود وەزیری شارەوانی و گشت و گوزار راسپاردەی خۆی بۆ گشت شارەوانییەکان کردووە، کە دەبێت لە ھەموو شار و شارۆچکەکانی کوردستان ھەڵمەتی خاوێنکردنەوە ھەبێت.

نەورۆز مەولود پەیامێكی پیرۆزبایی ئاڕاستەی خانەوادەی سەربەرزی شەهیدان و پێشمەرگە قارەمانەكان و خەڵكی کوردستان كردووە


2017-03-20 15:51:22

بەبۆنەی هاتنەوەی جەژنی نەتەوەیی نەورۆز.. نەورۆز مەولود وەزیری شارەوانی گەشت و گوزار پەیامێكی پیرۆزبایی ئاڕاستەی خانەوادەی سەربەرزی شەهیدان و پێشمەرگە قارەمانەكان و خەڵكی کوردستان كردووە كە ئەمە دەقەكەیەتی: بەناوی خوای گەورە و میھرەبان سەرفرازین بەناوی خۆم و گشت فەرمانبەرانی وەزارەتی شارەوانی و گەشت و گوزار جوانترین و گەرمترین پیرۆزبایی جەژنی نەورۆز لە تەواوی خەڵکی کوردستان و خانەوادەی سەربەزی شەھێدان و پێشمەرگە قارەمانەکانی کوردستان بکەم. نەورۆزی ئازادی و سەرفرازی و سەربەخۆییتان پیرۆز بێت،ساڵی تازەی كوردی و كوردستانیتان پیرۆزبێت. وەک ئاشکرایە هەموو دونیا باس لە قارەمانیەتی پێشمەرگەكانی كوردستان و بوێری گەلی كوردستان دەكات كە چۆن دلێرانە ڕووبەڕووی ترسناكترین دیاردەی تیرۆریستی و دڕندەترین مرۆڤی دژ بە بەشەریەت بۆتەوە كە ڕێكخراوی داعشە بۆیە ئەرکی سەرشانمانە لە خزمەتی ھاوڵاتیان و پێشمەرگە قارەمانەکانی کوردستان دابین. لێرەوە داوا لە ھەموو خەڵکی کوردستان دەکەم لە رۆژانی نەورۆزدا شوێنە گەشتیارییەکان بە پاک خاوێنی بەپارێزن و ژینگە دۆست بن، چونکە ئەمە ئەرکێکی نیشتمانییە و بە ھاوکاری ئێوە کوردستان بە خاوێنی رادەگرین و پەیامێک ئاراستەی ھەموو جیھان دەکەین، کە شەر نابێتە رێگر لە بەردەم جوانکردن و پێشخستنی وڵاتەکەمان. هیوادارین هەموو كاتێكتان هەر جەژن و خۆشی و شادی بێت. بژی كورد.....بژی كوردستان نەورۆز مەولود وەزیری شارەوانی و گەشت و گوزار

وەزیری شارەوانی و گەشت و گوزار لە ئەنجومەنی وەزیران پێنج خولەکی ماتەمینی وەستان بۆ یادی هەڵەبجە


2017-03-16 16:02:38

ئەمڕۆ پێنچشەممە 16 ی ئازار رێزدار نێچیرڤان بارزانی سەرۆکی حکوومەتی ھەرێمی کوردستان و سەرجەم وەزیرانی حکوومەتی ھەرێم لە نێوانیاندا نەورۆز مەولود وەزیری شارەوانی و گەشت و گوزار لە بیروەری كیمیابارانكردن و جینۆساید كردنی شاری شەهیدانی(هەڵەبجە) 29 ساڵ لەمەوبەر لە16ی ئازاری ساڵی 1988 لەلایەن ڕژێمی ڕووخاوی بەعسەوە بە پێنج خولەك وەستان و بێدەنگی،ماتەمیان نیشانداو ڕێزیان لە ڕۆحی زیاتر لە پێنج هەزار شەهیدی ئەو شارەی كوردستان گرت. ھەروەھا بۆ بەرز راگرتنی ئەم ساڵیادە سەرجەم فەرمانبەرانی وەزارەتی شارەوانی و گەشت و گوزار پێنج خولەک ماتەمینی راوستان.

پرۆژەی ئاوی ئامێدی کرایەوە


2017-03-15 12:00:35

ئەمرۆ سێشەممە لەژێر چاودێری رێزدار نێچیرڤان بارزانی سەرۆکی حکوومەتی ھەرێمی کوردستان و بەئامادەبوونی نەورۆز مەولود وەزیری شارەوانی و گەشت و گوزار و چەند وەزیرێکی تری حکوومەتی ھەرێمی کوردستان و بەرپرسانی حزبی و حکوومی لە پارێزگای دھۆک، پرۆژەی ئاوی ئامێدی کرایەوە. ئەم پرۆژەیە گرنگ و ستراتیژیە لەسەر ئاستی ھەرێمی کوردستان و تا ساڵی ( ٢٠٣٥) ئاوی خواردنەوە بۆ ( ١٧٥.٠٠٠) ھەزار ھاوڵاتی دابین دەکات لە ناوچەکانی ئامێدی و شیلادزێ و سەرسەنگ و دێرەلووک و ١٢ گوند و کۆمەڵگای ئەم دەڤەرە دابین دەکات. ئەم پرۆژەیە لەسەر بودجەی وەزارتی شارەوانی و گەشت و گوزار بو بەسەرپەرشتی بەرێوەبەرایەتی ئاوی دھۆکی سەر بە بەرێوەبەرایەتی گشتی ئاو و ئاوەرۆی وەزارتی شارەوانی بە کۆژمەی ( ٩٦.٤٥٨.٠٠٠) ملیۆن دۆلار، لە لایەن کۆمپانیا ھاوبەشەکانی ( ستێر گرووپ، ھۆمان، ئەریسۆن) بەنوێترین ستاندەردی جیھانی و باشترین کوالیتی جێبەجێکراوە. ھاوکات بەدرێژی ٤٥ کم ھێڵی گواستنەوە وزەی کارەبا بۆ پرۆژەکە دانراوە. جێگەی باسە ئەم پرۆژەیە ماوەی دوو ساڵی خایاند.



Untitled Document

هه‌ڵبژارده‌ :






به‌دواداچوونى نووسراوه‌كان

ژماره‌ی هاتووی    نووسراو(وه‌زاره‌ت)

ساڵی نووسراو    

كه‌ش و هه‌وا

  
Untitled Document
© 2013 Ministry of Municipalities and Tourism, KRG